Zindagi Itni haseen pehle to nahi thi
waqt ke bhanwar mein khawish ye pehle to nahi thi
Dil-e naadaan itna kyo pareshaan hai
Aisi kashish Unse Milne tak to nahi Thi.......
Mere khawabo ki Parchaiya pehle to nahi thi
In gumnaam raato mein kasak pehle to nahi thi
Khayalo ka samundar itna kyo betab hai
Muskurahat teri itni kaatil ab tak to nahi Thi.....
Dhadkano ki raftaar itni jyada pehle to nahi thi
har pal unse milne ki aag pehle to nahi thi
Meri kismat bhi dekho kitni laajwaab hai
chahat mein unki deewangi is had tak to nahi Thi...
No comments:
Post a Comment